بسم الله الرحمن الرحيم
موهبتي تخصني
❉❉❉❉❉❉❉❉❉❉❉❉❉❉❉❉❉❉❉❉❉❉❉❉❉❉❉
قعدت أفكر شلون أبدي موضوعي لين بديت أنسى الموضوع ذاته 🙈 فعشان لا أضيع أكثر خل أقولكم شغلة طرت ببالي عن فلم شفته أمس.
كان الفلم يتكلم عن قصة حقيقية لرسامة ضحت بإنساب رسماتها لها و خلتها لزوجها إلي ما يعرف بالفن شبر! 🙄
يعني بصراحة مادري شلون عاشت هالفترة و تشوف عيالها (الرسمات) ينتسبون لشخص ثاني 😰 و لأني كنت أكتب قصص و أعتبر القصص بشخصياتها عيالي، فما أتخيل نفسي مكانها 😢
مهما تمر بظروف.. تذكر ⚠ ربي أنعم عليك بموهبة تتميز فيها عن غيرك بطريقتك. هالموهبة لك بروحك دون غيرك! وايد في رسامين فنانيين كتاب مؤلفيين.. ولكن لكل واحد فيهم طابع تشخص بفنه غير عن مماثلينه بالموهبة، و بما إن هالوهبة لك..حقك.. بروحك.. و نتائج الموهبة عبارة عن قطع منك وفيك عاملهم كأنهم عيالك.. لا تفكر تخلي أي شخص يغلف هالنتائج تحت إسمه دون إسمك! محد له الحق إن يبوق شغل غيره سواءً برضاه أو دون رضاه (وهذا أعظم 😠)، أصلا حتى لو باق شغل غيره ماراح يفهمه كثر صاحب الشغل نفسه، لأن كل شغلة و إنتاج تعكس شخصية صاحبها.. إهي تمثله و أهو يمثلها. علاقة شخصية قوية.
عسى ربي يوفق الجميع في مسعاه.
و السلام عليكم و رحمة الله وبركاته. 🌷
