بسم الله الرحمن الرحيم
يازين نافورتنا!
اي نعم حتى إحنا عندنا نافورة! 😁 مو بس دبي 😜، وين تحصلونها؟ خل أقولكم عن هالصرح الجميل؛ مركز الشيخ جابر الأحمد الثقافي الواقع في ساحة العلم و المدعو محليا بدار الأوبرا الكويتية.
المركز يقع على البحر مكان ساحة العلم سابقا، حاليا ساحة العلم صارت بوسطه! طبعا المكان فيه مبنى للقاعات و دار الأوبرا و بجانبها النافورة الراقصة ⛲️ اللي تطل عليها المطاعم.
الحمدلله أخيرا يت الفرصة أني أشوف هالمشروع الجميل 😍 اللي يتبع لإنجازات الديوان الأميري ، و الحين خل نوريكم بشكل مختصر شنو راح تشوفون لارحتوا بإذن الله :
المركز فيه 3 مباني بصالاتها وهي: مبنى المسرح🎭 (المسرح الوطني- مسرح الدراما - مسرح الأستوديو) و مبنى الموسيقى 🎼(قاعات الحفلات الموسيقية - القاعة المستديرة) و أخيرا مبنى المؤتمرات 🎤(قاعة متعددة الأغراض - قاعة الندوات - السينما).
أما في الخارج فراح تشوون مطاعم تطل على نافورة راقصة تشتغل ليلا كل نصف ساعة أما نهارا فما عندي فكرة للأمانة 😅، و النافورة تتميز بالأنوار و إضاءة الليزر اللي تميزت فيه بشكلة واضح 😎👏👏
و ألحين نيي للمطاعم ، أكيد تبون تاكلون عقب ما شفتوا النافورة أو تفضلون تحلون و انتوا تشوفونها؟ الخيار لكم مع المطاعم المتوفرة:
- بيكر أند سبايس (يطل على النافورة)
- بيرغر بوتيك (مطل)
- كافيه ميم (مطل)
- شوكوليت غيت
- كوكو روم
- دكاكين (مطل)
- غوغوش
- حليب و هيل
- كاشونة البيت (مطل)
- ميفير غريل
- أوفر جار (مطل)
- روكوكو
- شي شاورما
- ذا باول
- فيلا فيروز
- بيت شكري
- كافيه أورقانك
- ديز كفيه
ها قررتوا؟😏 خوش قرار انكم بتروحون تصويركم 😉❤
SBH
⚠️ ملاحظة: الصور دون توقيع إسم المدونة تعود ملكيتها لأصحابها.
