ديزني Untold

بسم الله الرحمن الرحيم

ديزني Untold

O.o°• O.o°• O.o°• O.o°• O.o°• O.o°•  O.o°• O

عشاق ديزني .. نعم انتم! 😎 هذا الكتاب بإذن الله راح يعجبكم 👍، يتكلم عن أصل قصص ديزني المشهورة، و راح تكتشفون من الكتاب شلون العم ديزني وعياله خففوا من بشاعة نهاية بعض القصص 😱 خففوها عشان تتهنون فيها انتو قبل عيالكم، بالله منو يبي سنوايت مجرمة و لا سندريلا حقودة 😮 (بغيري طبعا 😈).

الكتاب يتكلم آيضا عن أصل أشرار قصص ديزني 🤗 (مو كله أميرات و أبطال عاد! صار وقت الأشرار😇)، و بصراحة حبيت الإنصاف في الطرح، يعني بعض الأشرار صج يكسرون الخاطر!😅

خلص الكتاب؟ لا لا بعد اصبر شوي 🤓، آقولك الكتاب بيعجبك 😁، يدخل الكاتب معانا بفصل يديد عن "مؤامرات ديزني" شغلات تخليك تعيد تشوف بعض الأفلام من يديد! (طلعوا مو هيني العاملين في ديزني )🙈🙊

ها خلصت؟ لا لحظة ليش مستعيل 😏! الكاتب خالد الفيلكاوي ياخذك بجولة في عالم مدينة ديزني الواقعي 🎠🏰، يخليك تفكر تحجز أول تذكرة لكالفرونيا! 🚀

مختصر العبارة، وايد حبيت الكتاب مع بعض الملاحظات مثل عدم وجود مراجعة لغوية، اغفال طرح بعض الأعمال المعروفة لشخصيات ديزني، الإسهاب في التعليق على بعض الصور، و في شي.. مادري.. بالنسبة لي استغربته ان مافي خاتمة بالاخير 🤔 يعني فجأة الفهرس 😅.

آنصح فيه؟ اي نعم آنصح فيه لمحبي عالم ديزني 😍👏👏

📖 الكتاب: ديزني Untold

🖋 الكاتب: خالد الفيلكاوي

📊 تقيمي الشخصي: 3/5 

🤓📚

SBH

الدنيا ربيع و الجو بديع

بسم الله الرحمن الرحيم

الدنيا ربيع و الجو بديع

O.o°• O.o°• O.o°• O.o°• O.o°• O.o°•  O.o°• O.o°• O

ماشاء الله الجو هاليومين يهبل ☺️🌷، لحظة لحظة لا تستعيل! 😅 ادري مو ربيع بس شتانا يبدي ربيعي بطريقته😁 قبل لا يصدمنا بالبرد يومين😱 بعدها يرجع يدفي 🙄، فقلنا نعنونه بالربيع! المهم ما علينا ، شرايكم نغديكم برا؟ 🤔 ولا تبون عشى؟ خلاص خلاص ريوق عشان تكسبون اليوم من بدايته؟ ولا قهوة العصاري و المغربية بمكان مفتوح؟ تفضل معاي خل أدليك المشوار..

الكويت تتميز بمجمعات مطاعم.. نعم مجمعات مطاعم وليس محلات تسوق، تمتاز هالمجمعات ان مطاعمها لها قعدات مكشوفة تناسب هالأجواء الحلوة 💕🌤، ومن هالأماكن عندك:

_____________________

مروج

Murouj

____________________

مكان من أجمل الأماكن المفتوحة 👍، عبارة عن مطاعم/كافيهات/محلات ترفيهية يم بعضها لها قعدة خارجية مميزة بالإضافة للقعدة الداخلية 👌، المكان شبابي و عائلي بنفس الوقت، أنصح فيه بشدة بالشتا 🌥❄️ (لما يبرد الجو)، و الأحلا انهم من فترة لي فترة يستضيفون فعاليات لعرض المشاريع الشبابية 🎊  في أشكاك جدام المطاعم، منها تاكل و منها تتسوق 😎💸 ، شنو راح تلقون في مروج؟ 🤔 التالي:

Crumbs

The Chocolate Bar

Caribou

Starbucks

b+f Burger Boutique

Trapani

Kumar

Hayat

Entrecote

Crepe De Licious

Marshmallow World

Burrow

Jar

Kateh

Intersport

Trampo

كرك غلام

خنين

صباح و مسى

📌 اسم المكان: مروج

📍 العنوان: طريق الدائري السادي، قرب نادي الصيد والفروسية | Map

💻 الموقع: Instagram | Web

🌟 التقييم: 5/5

ملاحظة: جميع الصور في هذا المقال تعود ملكيتها لأصحابها.

SBH

اقرأ

بِسْم الله الرحمن الرحيم

اقرأ

O.o°• O.o°• O.o°• O.o°• O.o°• O.o°•  O.o°• O.o°• O

دخل شهر ١١ 😍 ، شنو معناته؟ لا لا مو thanksgiving 😅 ، هذا شهر القراءة 😉، موسم معرض الكتاب 📚 ،الموسم اللي انطره كل سنة 🎉، العام كان المعرض سيّء بس هالسنة وايد تحسن من ناحية الكتب و من ناحية الفعاليات اللي فيه. 👏👏

معرض الكويت الحادي و الأربعون للكتاب مقسم كالتالي :

- صالة 5 : للدور العربية و العالمية المستضافة 

- صالة 6 : للدور المحلية و الأجنبية 

- صالة 7 : صالة الطفل فيها جميع الدور والكتب الخاصة بالأطفال بالاضافة لبعض السفارات

- الممرات بين صالة و صالة: فيها أجنحة الصحافة \ الهيئات\ الوزارات .. إلخ

📚 أما الكتب اللي شريتها:

- قصص لا يسمحون لي بنشرها ( دار نوفا )

- نبوءات الشتاء و الصيف ( دار نوفا )

- العالق في الزمن (دار نوفا )

- الكتابة من الكتابة ( مكتبة تكوين )

- الشخصية الذكية ( دار الرسالة )

- ديزني Untold ( دار سبارك )

- إتكيت الروح ( دار دريم بوك )

- جثة في فندق ( دار العربية للعلوم )

🔅 اسم المعرض: معرض الكويت للكتاب

🔅 موقع المعرض: أرض المعارض الدولية - مشرف

🔅 الصالات: 5 - 6 - 7

 🔅 الفترة: 16 - 26 /11 /2016

 📚💕

SBH

واحد بيرغر لو سمحت!

بسم الله الرحمن الرحيم

واحد بيرغر لوسمحت!

O.o°• O.o°• O.o°• O.o°• O.o°• O.o°•  O.o°• O.o°• O

ساكن في أبوظبي و محدر دبي؟ 🤔 ولا الطريج طويل وانت رايح الأوتليت من دبي؟😵 أدري الدرب طويل و ممل و شكلك تعبت و يعت 😴🤕، لحظة لحظة لا تدوس ترا في كاميرات!😱 ولا أقولك خل أراضيك .. امش شوي شوي..😅 ها شفت اللافتة؟ اي اقولك هاللافتة اللي عند السيايير.

لا ياخوي هذا مو سكراب سيايير، لا! 😅 هذي محطة ترضيك! 😎

اي نعم هالشاحنات اللي صافطه، فيها كل اللي يخليك تنسى الدرب و طوله 👍👍 ، تفضل خل آخذك بجولة عالسريع. 😍

Last Exit (المخرج الأخير) ⚠️ عبارة عن محطة شاحنات للأكل مفتوحة طول أيام الأسبوع / ٢٤ ساعة، و فيها إستراحة راقية بديكور مميز و أيضا تتوفر ألعاب ترفيهية، المكان ونيس..شرح.. شبابي.. ألوان الديكور و إضاءته بروحها تجذب. للحين ما اقتنعت؟ 🙄 عيل شوف معاي:😏

بخصوص الجو، لاتحاتي في قعدة خارجية وقعدة داخلية مكيفة 😎, اما المطاعم والكافيهات اللي مشاركة:

- Big smoke burger

- Burger pit

- Caffe di roma

- Clinton Street Baking Company

- Operation falafel

- Poco loco

- Starbucks

- The Brass

- The Hot dog stand

- Urban seafood

- My Karak

- D.O.N. Pizza

- 71 cafe

-  Sugar Rush

يه يه يازين هاللي يبتسم!😁😍 الحمدلله رضيت علينا 😎👏👏

🔸 اسم المكان: Last Exit

🔸 الموقع: Map

🔸 الرابط: Instagram | Website

🔶 التقييم: 5/5

⚠️ ملاحظة: الصور دون توقيع اسم المدونة تعود ملكيتها لأصحابها.

🌸🍃

SBH

لقيتوا المفتاح؟

بسم الله الرحمن الرحيم

لقيتوا المفتاح؟

O.o°• O.o°• O.o°• O.o°• O.o°• O.o°• O

الحمدلله صارت الفرصة نجرب مطعم بو مفتاح 🔑 ، اسم المطعم Parker's ،موجود بدبي مول و حالياً موجود أيضا في أبوظبي.

فكرة المطعم إن حارس حديقة 👴🏼 يخش مفاتيحه بأرجاء المنطقة، و بس اللي يلقون المفاتيح يقدرون يدخلون، غير جذي مستحيل تدخل! 😅 وين تلقى مفاتيح المطعم؟ 🕵 موزعة بالمول نفسه و تلقى تلميحات عن المكان في ستوري انستغرام الاكاونت الخاص بالمطعم (هنا).

و رحنا المكان المقصود 🤓 ، كان المفتاح واضح مكانه:

بعدها رحنا المطعم، شافوا المفتاح و دخلونا 🛂 ،عطونا منيو صفحة وحدة وفيها كل الأطباق و طريقة الطلب ان يقعدونك على طاولة و تحفظ رقمها، تنقي طلبك بعدها تروح للكاشير، تعطيه طلبك مع رقم الطاولة، تدفع عقبها يوصلك طلبك لي طاولتك.

شنو طلبنا؟ 🤔 هذا اللي طلبناه:

 

البيرغر كانت لذيييييذة 😍👍 و انصح فيها بقوة ، وطبعا ما ننسى الحلو ، الحلو المشهورين فيه اهو اللوتس اللي كان ملك الطاولة 😎👏 :

المطعم يستاهل الزيارة 👌 بس في ملاحظة ☝️ لازم تحطونها بعين الاعتبار؛ اي طلب تطلبه تقدر تشيل من مكوناته بس ماتقدر تضيف مكونات (مثلا تقدر تطلب بيرغر من غير كاتشب بس ماتقدر تطلبها مع جبن زيادة).

🔸 اسم المطعم: Parker's

🔸 موقع المطعم: دبي مول (دبي) - حديقة أم الامارات (أبوظبي)

🔸 الرابط: Parker's Instagram

🔶 التقييم: 4/5

🌷💕 

SBH